Ақтөбеде жол салатын компания жұмысшылары бірнеше ай қатарынан жалақы ала алмай келеді.
Маңдай термен тапқан нәпақасына зар боп жүрген жандар ел үкіметіне ашық хат жолдаған.
Айтуынша, серіктестік басшылығы шамамен 4 жарым миллион теңге қарыздар. Бұдан бөлек соңғы 3 жыл бойы зейнетақы қорына төлем жасалмаған. Алайда жұмысшылар арнамыздың тілшілерімен жүздесіп, сұхбат беруден бас тартты. Ал облыстық еңбек инспекциясы өкілдері болса бұл мәселеге қатысты тексерудің қорытындысы шыққандығын мәлімдеді. Қазір іс сот орындаушыларының құзыретінде. Дер кезінде жалақы төлемеген мекеме басшылығына айыппұл салынған.
«Хабар 24» арнасына жазылыңыздар: bit.ly/31WnObW
Біздің сайт - 24.kz