Оңтүстік Қазақстан облысында жалған ақша жасаушылар көбейіп барады. Жыл басынан бері өңірдегі Қаржы полициясы қолдан жасалған 150 мың теңге тәркілеген. Ресейлік 15 мың рубльдің де жалған екені анықталған. Осындай заң бұзушылықтар бойынша 18 қылмыстық іс қозғалған. Жалған банкноттар негізінен екінші дәрежелі банктер мен орталық базар, жанармай құю бекеттері мен дүкендерге өткізілген. Мұндай қолдан жасалған ақшалардың қанша көлемде айналымға түсіп, жұрттың қолында жүргенін ешкім дөп басып айта алмайды. Облыстық қаржы полициясының жүргізген сараптамасына жүгінсек, оңай олжаға құныққандар 10, 5 және 2 мың теңгелік ұлттық валюта жасауға әуес көрінеді. Қаржы полициясының баспасөз қызметі хабарлағандай, былтыр жалпы көлемі 300 мың теңге жалған банкноттар тәркіленген. Алаяқтар қатаң жазаланып, түрмеге тоғытылып жатқанымен, айласын асырып жүргендер көбейіп барады. Сондықтан Қаржы полициясы мұндай қылмыстың бетін ашу үшін тұрғындардан көмек сұрауға мәжбүр. Подписывайтесь на «Хабар 24»:
/ tv24kz
Наш сайт - 24.kz
Facebook - / tvkhabar24
Instagram - / tvkhabar24
Telegram - t.me/tvkhabar24
Twitter - / tvkhabar24
Vkontakte - tvkhabar24