Елордада бітік тастың білгірі, белгілі түрколог Қаржаубай Сартқожаұлының 3 бірдей кітабының тұсауы кесілді. Іс-шара ғалым көзі тірісінде қызмет еткен Л.Гумелев атындағы Еуразия ұлттық университеті қабырғасында ұйымдастырылды. Алғашқы кітап «Қош бол, апа» деп аталады. Онда көрнекті тұлғаның отбасы, анасы жайлы сыр шертіледі. Ал екінші еңбек - «Тастан тамыр іздеген ғұлама» жинағы. Мұнда әлем ғалымдары мен қазақстандық зерттеушілердің Қаржаубай Сартқожаұлы жайында лебіздері, түрік дүниесіне сіңірген өлшеусіз еңбегі айтылады. Ұлттық ғылым саласына олжа болып қосылған тағы бір құнды кітапта белгілі тарихшының монографиялық зерттеулері топтастырылған. «Бұл еңбектің қай - қайсы да атақты түркологтың тұлғалық болмысын айшықтап, оның ғылым саласындағы дара жолын танытады», - дейді зиялы қауым өкілдері.
#Жаңалықтар #бұлөнер #24KZ #хабар24 #шығарма #мәдениет #тарих #кітап