Бақытбек Әбілдинов елорда тұрғыны. Көпті көрген ақсақалдың өмір жолы ғана емес, күнделікті тұрмыстағы тірлігі де көпке өнеге. Қас қарайса болды, зейнеткердің үйінде екі бөлмеден артық жарық жанбайды. Артық тоқ тұтынбайды. Екі техниканы пайдалану үшін екі техниканы сөндіреді. Ақсақал бұны жоқшылықтан емес, бардың бағасын білгендіктен істейді. Оның электр энергиясын үнемдеу амалы қазір елден ерекше болғанымен, ертеректе қалыпты көрініс еді деп еске алады. Зейнеткер 3 бөлмелі баспанада жұбайы екеуі ғана тұрады. Пәтерінде техниканың 20-ға тарта түрі бола тұра, электр энергиясы үшін төлейтін төлем 4 мың теңгеден аспайды. Ұл-қызын, тіпті немерелерін де осы әдетке баулиды. Ол өзінің отбасы секілді қоғамды да үнемшілдікке үйретуді мектеп бағдарламасынан бастау керек дейді.
#Жаңалықтар #арнайыжоба #24KZ #хабар24 #электрэнергиясы #тұрмыстықтехника #зейнеткер #қауіпсіздік #үнемдеу