Елбасы Нұрсұлтан Назарбаев президенттік өкілеттігін тоқтатқаннан кейінгі өзінің алғашқы сұхбатын «Хабар» агенттігіне берді.
Арада өткен алты ай ішінде осы шешімі үшін өкінген кезі болды ма, елдегі жаңа билік қандай жобалар мен маңызды мәселелерге назар аударғаны жөн?
Бұл сауалдардың жауабын Елбасы өзі айтып берді. Бұдан бөлек, Nur Otan партиясының алдында тұрған күрделі міндеттер әңгімеге арқау болды. Журналистер қазіргі күні қоғамда қызу талқыға түсіп жатқан елдегі «қос билікке» қатысты жауапты да Елбасының өз аузынан естіді.