Не үшін? Ақтоғай мен Ақсу-Аюлы ауылдарының арасы Ақсу-Аюлы ауылы мен Ақадыр кентінің арасындағы жолдан екі-үш есе көп қой. Оның үстіне Ақтоғай ауданының аумағы өте үлкен. Балқаш маңындағы бұрынғы Тоқырауын ауданының есебінен аумағы тым үлкейді.

Онда Қарағанды және Ұлытау облыстарындағы бұрынғы аудандардың (Жезді, Теңіз, Тельман, Молодёжный, Егіндібұлақ, Талды, Тоқырауын) тұрғындары да өз аудандарын қалпына келтіру керек деп шығады. Ал олардың бәріне бірдей бюджет те, ресурс та жетпейді. Оның үстіне ол аудандарда халық саны өте аз. Өздері бөлініп шыққан аудандарымен арадағы теңсіздік қатты ұлғаяды. Мысалы, Тоқырауын ауданын қалпына келтірсе, Ақтоғай ауданында халық саны мен әкімшіліктен басқа түк қалмайды. Өндірістің бәрі бұрынғы Тоқырауын ауданында. Теңіз ауданын қалпына келтірсе, халық саны өте аз, инфрақұрылым жоқ десе болады. Бәрі Нұра ауданында қалады. Ақадыр ауданын қалпына келтірсе, Шет ауданында өндіріс болмақ түгіл, халық саны аз болады.