Бүгінде елімізде 30 мыңнан астам адам құлақ мүкістігіне шалдыққан, деп хабарлайды 24KZ. Оның 5 мыңға жуығы - бала. Есту қабілеті төмен жандарға қол ұшын созуда отандық дәрігерлер кохлеарлы имплантация арқылы елеулі нәтижеге қол жеткізіп келеді. Елорданың өзінде төртінші дәрежелі есту кемістігі бар азаматтарға жылына 150-ге тарта операция жасалады. Нәтижесінде туабітті есту кемістігі бар бүлдіршіндер операциядан соң түрлі үйірмелерге жазылып, музыкалық аспапты меңгеріп жүр. Ал зейнет жасына жақындаған науқастар жұмысқа орналасып, нәпақасын тауып отыр.
#Жаңалықтар #Новости #24KZ #хабар24