Төрт жылда елдегі газдандыру деңгейі 11,8 пайызға артты.
Мәселен, 2020 жылы ел халқының 50 пайызы газ тұтынған еді.
Былтыр 61,8 пайызға жетті. Яғни газға қосылғандар саны 9 млн-нан 12 млн 300 мыңға дейін өсті. Былтыр елде 300 мың адам газға қол жеткізді. Ол үшін 1 700 шақырымнан астам құбыр салынды. Қазынадан 193 млрд теңге қаржы бөлінді. Нәтижесінде 200-ден астам жоба жүзеге асты. Бас-аяғы 92 елдімекенге жаңадан газ құбыры тартылды. Қазір ел көлемінде 2 мыңға жуық елдімекенде газ желісі бар. Алайда көгілдір отын солтүстік пен шығысқа жетпей тұр. Бұл өңірлерде тиісті инфрақұрылым жоқ.
#газ #Новости #24KZ #хабар24