Қырғызстанға АИ-92 маркалы бензинді заңсыз сатқандар ұсталды. Қылмыстық топты Қазақстанның Қаржылық мониторинг агенттігі құрықтады. Тергеу барысында күдіктілердің бензинді жанармай еріткіш және дистиллят ретінде рәсімдеп, жалған құжаттар арқылы шекарадан заңсыз өткізіп отырғаны анықталды. Жедел іздестіру іс-шаралары барысында "Түрксіб" станциясында 500 тоннаға жуық бензин құйылған 8 теміржол цистернасы әшкереленді. Жүк "Қара Май Ойл" шағын мұнай өңдеу зауытынан жөнелтілген және Қырғызстанға бағытталған.
#Жаңалықтар #Новости #24KZ #хабар24