Ұлытау облысында алимент бойынша берешек 300 млн теңгеден асты, деп хабарлайды 24KZ. Бұл 170 адамның қарызы. Олар жұмыстың жоқтығын айтып жауапкершіліктен жалтарған. Сондықтан прокуратура мен «Мансап» орталығы бірлесіп, еңбек жәрмеңкесін ұйымдастырып жатыр. Кезекті шарада 40-қа жуық мекеме 200-ден астам жұмыс орнын ұсынды. Бірнеше адам мамандығына сай жұмыс тапты. «Ал ұсынылған жұмыстан әдейі бас тартқан борышкерлерге шара қолданылады», - дейді прокурорлар. Тіпті қылмыстық жауапкершілікке тартылуы мүмкін.
#Жаңалықтар #Новости #24KZ #хабар24