Көшеде көргенсіздік танытқан ер адам... Бес жасар баланың бетін тілгілеген жасөспірім... Әуежайда әлсіз әйел затын кепілге алған күдікті. Үш оқиғаға қатысы бар жандардың бәрінен психикалық ауытқу анықталған. Қоғамның қызу талқысына түскен бұл шулы оқиғалар айналдырған бір айдың ішінде ғана болды. Бұл таспаға түсіп, желіге тарап, сіз бен біздің назарымызға іліккені ғана. Ал ілікпегені қанша?! Жалпы Қазақстанда психикасы бұзылған 313 мың адам ресми тіркеуде тұр. Оның 45 мыңы бала. Бұл санаттағылардың саны жыл өткен сайын көбейіп барады. Соңғы 4 жылда 2 жарым пайызға өскен. Ал тізімді толықтырып тұрған 3 мыңнан астам адамды бөліп көрсеттік. Бұл психикалық диспансерге мәжбүрлі түрде емдеуге жатқызылғандар. Яғни аса қауіпті деп танылған. Қоғаммен байланысуына шектеу қойылған соң, психикалық орталыққа қамалған.
#24KZ #хабар24 #арнайыжоба #психикалықбұзылыс #медицина #емхана #жындыхана #дәрігерлер #маман #сала #психикалықауытқу #қауіп #есірткі #қоғам #балалар